Rydym wedi cael ein rhestru fel un o 50 Cyflogwr Gorau’r Times ar gyfer cydraddoldeb rhywiol am y bumed flwyddyn yn olynol.
Rhestr 50 Cyflogwr Gorau’r Times ar gyfer Cydraddoldeb Rhywiol yw'r rhestr o gyflogwyr sydd â’r proffil uchaf a mwyaf sefydledig y DU sy’n cymryd camau i greu gweithleoedd lle gall pawb, waeth beth fo’u rhyw, ffynnu.
Pum mlynedd o gydnabyddiaeth fel cyrchfan gyrfa i fenywod
Mae cael ein cynnwys ar restr y 50 Cyflogwr Gorau ar gyfer Cydraddoldeb Rhywiol am y pumed tro ers 2020 yn gydnabyddiaeth gref o’n gwaith i greu diwylliant cynhwysol.
Mae ein strategaeth amrywiaeth a chynhwysiant 2021-26 yn nodi’r camau rydym yn eu cymryd i gyflawni hyn, gan gynnwys ein hymrwymiad i gydbwysedd rhwng y rhywiau mewn rolau uwch.
Dywedodd Jessica Hill, Cyfarwyddwr Pobl, Diwylliant a'r Gweithle: "Rydym wrth ein bodd i gael ein cydnabod unwaith eto fel cyflogwr o'r radd flaenaf o ran cydraddoldeb rhywiol. Er bod mwy i'w wneud bob amser, mae'r garreg filltir hon yn ein hatgoffa o bwysigrwydd creu lle i weithio lle gall pawb ffynnu."
Dywedodd Melissa Tatton, Prif Swyddog Gweithredu a Hyrwyddwr Rhwydwaith Menywod Ofcom: “Mae cael ein henwi’n gyflogwr o’r radd flaenaf ar gyfer cydraddoldeb rhywiol unwaith eto yn gamp anhygoel. Mae’n adlewyrchiad o ymroddiad ein timau i greu gweithle sy’n gwerthfawrogi cynhwysiant. Nawr yn y bumed flwyddyn o’n strategaeth amrywiaeth a chynhwysiant presennol, rydym yn parhau i ymrwymo i adeiladu Ofcom teg.”