Heddiw, mae Ofcom wedi gosod cosb ariannol ar Markaz-Al-Huda Limited ar ôl i ni ganfod bod ei wasanaeth radio cymunedol Salaam BCR wedi torri ein rheolau darlledu.
Canfu ein penderfyniad tor-amod a gyhoeddwyd ar 21 Hydref 2024 fod datganiadau a ddarlledwyd ddwywaith ar 17 Hydref 2023 yn gyfystyr ag araith gasineb gwrth-Semitaidd a thriniaeth sarhaus o bobl Iddewig. Canfuom hefyd fod gan y cynnwys potensial clir i achosi tramgwydd sylweddol, heb gyd-destun digonol i gyfiawnhau ei ddarlledu.
Mae gorsafoedd radio cymunedol yn wasanaethau di-elw sydd wedi'u hanelu at gymunedau mewn ardal leol. Ildiodd Salaam BCR eu trwydded radio cymunedol ar gyfer ardal Bury ym mis Hydref 2024.
Yng ngoleuni'r toriadau hyn o'n rheolau darlledu, rydym wedi gosod dirwy ariannol o £3,500 ar ddarparwr y gwasanaeth radio cymunedol Markaz-Al-Huda Limited, yn daladwy i Drysorlys EM.
Mae rhagor o wybodaeth ar gael yn ein penderfyniad sancsiwn.