Pwyllgor Cynghori Cymru

Ynghylch Ofcom Strwythur ac arweinyddiaeth
Cyhoeddwyd: 2 Gorffennaf 2010
Diweddarwyd diwethaf: 2 Mawrth 2026

Mae Pwyllgor Cynghori Cymru'n rhoi cyngor i Ofcom ynghylch buddiannau a safbwyntiau pobl yng Nghymru mewn perthynas â materion cyfathrebu.

Mae'r Pwyllgor fel arfer yn cwrdd pum gwaith y flwyddyn. Mae cofnodion y Pwyllgor yn cael eu darparu i Fwrdd Ofcom.

Cylch Gwaith y Pwyllgor Cynghori yw:

  • ceisio nodi materion sy'n effeithio ar y sectorau cyfathrebiadau a phost yng Nghymru, fel Pwyllgor ar y cyd ac yn unigol fel Aelodau, yn enwedig yn y sectorau lle mae ganddynt wybodaeth benodol neu arbenigedd
  • darparu cyngor i Ofcom am faterion cyffredinol a phenodol sy'n ymwneud â sectorau'r cyfathrebiadau a phost sy'n codi yng Nghymru
  • darparu cyngor a sylwadaeth fel y bo angen am faterion a gyflwynir i'r Pwyllgor gan Ofcom
  • cynnig sylwadaeth am ymgynghoriadau Ofcom
  • ar gais y Bwrdd Cynnwys, darparu cyngor penodol i'r Bwrdd hwnnw ar faterion mewn perthynas â theledu, radio ac unrhyw gynnwys arall ar wasanaethau y mae Ofcom yn eu rheoleiddio
  • ar gais Bwrdd Ofcom, darparu cyngor i'r Panel Defnyddwyr Cyfathrebiadau ar faterion yn y sector cyfathrebiadau sy'n effeithio ar ddefnyddwyr yng Nghymru
  • cynhyrchu adroddiad blynyddol yn adlewyrchu materion o fewn y sectorau cyfathrebu a phost yng Nghymru.

PCC 100 – 18-19 Mawrth 2026

PCC 101 – 21 Mai 2026

PCC 102 – 30 Medi 2026

PCC 103 – 8 Rhagfyr 2026

Dr Aled Eirug (Cadeirydd)

Mae Aled Eirug yn gynghorydd polisi strategol llawrydd ac yn Gadeirydd corff ariannu addysg uwch Coleg Cymraeg, (o fis Medi 2022). Roedd yn aelod o awdurdod llywodraethu ar gyfer gwasanaethau darlledu Cymraeg, S4C (2012 -2015), yn gadeirydd pwyllgor ymgynghorol y Cyngor Prydeinig ar gyfer Cymru (2012-2015) ac yn aelod o Fwrdd Ymddiriedolwyr y Cyngor Prydeinig (2013-2015).

Mae'n newyddiadurwr a darlledwr profiadol gyda dros 30 mlynedd o brofiad yn ITV a'r BBC. Bu’n Bennaeth Newyddion a Materion Cyfoes BBC Cymru o 1992 i 2006 ac yn aelod o Fwrdd Rheoli BBC Cymru o 2000 i 2006. Mae ganddo brofiad helaeth o gynhyrchu radio, teledu ac ar-lein ar draws newyddion, materion cyfoes a gwneud rhaglenni dogfen.

Ymunodd Aled â Phwyllgor Cynghori Cymru ar 1 Rhagfyr 2021 a chafodd ei benodi'n Gadeirydd ar 1 Awst 2024. Mae ei benodiad yn para tan 31 Mai 2026.

Angharad Evans (aelod anweithredol)

Mae Angharad Evans yn gyfreithiwr ffilm a theledu ymgynghorol ac mae wedi cynghori busnesau o bob maint o fusnesau newydd i frandiau a gydnabyddir yn rhyngwladol am yr 20 mlynedd diwethaf. Cyn dod yn ymgynghorydd roedd hi'n Bennaeth Adran Materion Cyfreithiol a Busnes S4C a bu'n gweithio yn y tîm Ffilm a Chyfryngau arbenigol yn SJ Berwin, Llundain.

Mae'n cynghori amrywiaeth o gleientiaid o gwmnïau cynhyrchu bach i gwmnïau rhyngwladol mawr ar gyd-gynyrchiadau, dosbarthu, trefniadau ariannu aml-bleidiol, cytundebau hawliau, cytundebau opsiwn a chliriadau. Mae'n cael ei chydnabod fel Unigolyn Blaenllaw yng Nghyfraith y Cyfryngau yng Nghymru yn y ‘Legal 500’ a ‘Chambers and Partners.’

Ymunodd Angharad Evans â Phwyllgor Cynghori Cymru ar 1 Ionawr 2022. Mae ei phenodiad yn parhau tan 31 Rhagfyr 2026.

Geraint Strello (Aelod anweithredol)

Mae Geraint wedi gweithio yn y sector cyfathrebu ers dros 40 mlynedd ac mae ganddo brofiad ymarferol o beirianneg telathrebu, gwasanaethau cwsmeriaid, cynllunio at argyfwng, cynllunio strategol a lleoli rhwydweithiau sefydlog, symudol a Wi-Fi ledled Cymru. Bu'n gweithio'n agos gyda swyddogion Llywodraeth Cymru i sefydlu a Chadeirio'r Grŵp Cenedlaethol Cyfleustodau cyntaf sy'n adrodd i'r Fforwm Cydnerth Lleol.

Chwaraeodd rôl gydlynu rhwng Llywodraeth Cymru ac Openreach yn ystod y broses o ddefnyddio band eang ffibr yng Nghymru o dan raglen Cyflymu Cymru ac mae'n awyddus i weld gwasanaeth band eang cyflym, dibynadwy, fforddiadwy yn parhau i gael ei roi ar waith i holl drigolion Cymru.

Ymunodd Geraint â Phwyllgor Cynghori Cymru ar 29 Chwefror 2024. Mae ei benodiad yn para tan 1 Mawrth 2028.

Professor Matthew Williams

Yr Athro Matthew Williams FAcSS yw Cadeirydd Troseddeg a Chyfarwyddwr HateLab ym Mhrifysgol Caerdydd. Mae wedi cyfrannu at fwy na 40 o brosiectau ymchwil ac wedi cyhoeddi dros 100 o allbynnau sy'n canolbwyntio ar ddioddefwyr lleiafrifoedd a'r berthynas rhwng technoleg ac ymddygiad dynol. Ef yw awdur The Science of Hate, llyfr gwyddoniaeth boblogaidd sydd wedi'i gyfieithu i wyth iaith. Mae ei waith wedi helpu i lywio Fframwaith Gweithredu cenedlaethol Llywodraeth Cymru ar gyfer mynd i'r afael â Throseddau Casineb a Hwb Troseddau Casineb Seiber Cenedlaethol y DU.  

Yn ogystal, mae’n dal  rolau ymgynghorol  ar draws rhwydweithiau ymarferwyr a pholisi, gan gynnwys Grŵp Ymgynghori Troseddau Casineb Allanol Gwasanaeth Erlyn y Goron, Grŵp Arbenigwyr  Academaidd Comisiwn Gwrthsefyll Eithafiaeth Llywodraeth Ei Mawrhydi  a Bwrdd Troseddau Casineb a Thasiwn Cymunedol Llywodraeth Cymru a'r Grŵp Arbenigol Academaidd ar Gydlynant Cymdeithasol. Ef hefyd yw  sylfaenydd a Phrif Swyddog Gwyddonol Nisien.ai, a HateLab sy'n defnyddio DA uwch i ganfod a dosbarthu niwed ar-lein ar draws llwyfannau mewn amser real ac yn darparu canllawiau  ar sut i ymateb a gwrthsefyll niwed ar-lein yn effeithiol. Yn 2026, cafodd ei ethol yn Gymrawd Academi'r Gwyddorau Cymdeithasol. 

Ymunodd Matthew â Phwyllgor Cynghori Cymru ar 1 March 2026. Mae ei benodiad yn para tan 28 February 2029. 

Dr Ruth Mullineux-Morgan

Mae Dr Ruth Mullineux-Morgan yn weithiwr proffesiynol polisi, ymchwilydd a chynghorydd strategol sydd ag ymrwymiad dwfn i hyrwyddo diogelu plant, polisi cyhoeddus a diogelwch digidol. Mae hi'n cyfuno trylwyredd dadansoddol â gweledigaeth strategol, gan gynnig cymysgedd unigryw o arweinyddiaeth ymchwil, mewnwelediad llywodraethu ac ymrwymiad i ymarfer moesegol. Dros y 15+ mlynedd diwethaf, mae Ruth wedi dal swyddi uwch materion cyhoeddus, polisi a chynghori ar draws sectorau gwleidyddol, elusennol ac ymchwil yng Nghymru. Ar hyn o bryd mae'n arwain ar bolisi Diogelwch Plant Ar-lein ac Atal Cam-drin Plant yn Rhywiol yn NSPCC Cymru ac mae wedi gyrru ymgysylltiad polisi sy'n seiliedig ar dystiolaeth gyda rhanddeiliaid ar draws y llywodraeth, cymdeithas sifil a'r byd academaidd.  

Mae Ruth hefyd yn gweithio fel ymgynghorydd polisi ac ymchwil llawrydd ac mae ganddi rôl gysylltiedig ym Mhrifysgol Abertawe, gan gyfrannu arbenigedd mewn ieithyddiaeth gymhwysol a chroestoriad cyfathrebu, technoleg a diogelu. Mae Ruth yn Ddirprwy Arweinydd ar gyfer DRAGON-Shield, platfform hyfforddi amlgyfrwng meithrin perthynas amhriodol a phlant ar-lein ar gyfer ymarferwyr diogelu plant ac yn Gyd-ymchwilydd ar brosiectau mawr a ariennir yn rhyngwladol ar fynd i'r afael â niwed ar-lein a diogelwch plant, gan gymhwyso ymchwil ieithyddol i heriau'r byd go iawn.  

Mae gan Ruth ddoethuriaeth mewn Ieithyddiaeth Gymhwysol, sy'n canolbwyntio ar drafodaeth plant mewn cyd-destunau meithrin perthynas amhriodol ar-lein ac mae'n awdur Online Grooming Discourse, a gyhoeddwyd gan Wasg Prifysgol Caergrawnt. 

Dogfennau

Cylch Gorchwyl ar gyfer Pwyllgorau Cynghori Cenedlaethol • PDF • 130.55 KB • 15 Ebrill 2019
Cod Ymddygiad ar gyfer Pwyllgorau Cynghori Pwyllgorau Cynghori Cenedlaethol a'r Pwyllgor Cynghori ar Wybodaeth Ar-lein • PDF • 243.06 KB • 28 Ebrill 2025

Cynnwys cysylltiedig

Ofcom yng Nghymru

Manylion am staff a gweithgareddau swyddfa Ofcom Cymru, Caerdydd.

Ein gwaith yn y Gymraeg

Rydyn ni’n falch o'n hymrwymiad i'r Gymraeg a'r ffordd rydyn ni'n ei hintegreiddio i'n gwaith. Mae'r gwaith hwn, gan ein timau ar draws y DU, yn galluogi chi i gyfathrebu ag Ofcom yn eich dewis iaith - Cymraeg neu Saesneg.

Bwrdd Ofcom

Mae Bwrdd Ofcom yn darparu cyfeiriad strategol i'r sefydliad.