Cwestiynau Cyffredin

Dydy fy nghod post neu gyfeiriad fy eiddo ddim yn ymddangos ar y gwiriwr, pam?

Mae Ofcom yn defnyddio data o’r Arolwg Ordnans i ddarparu’r set ddata a ddefnyddir i ddangos darpariaeth symudol ar gyfer eiddo yn y DU. Mae’r data hwn yn cael ei ddiweddaru yn ein gwiriwr dair gwaith y flwyddyn, felly efallai na fydd rhai eiddo’n cael eu canfod nes bydd y diweddariadau hyn wedi cael eu gwneud.

Oes gennych chi API i gael mynediad at y data sydd yn y gwiriwr?

Rydym yn darparu API yn seiliedig ar ein data darpariaeth symudol. Yr un data sy’n pweru’r gwiriwr hwn. Mae manylion ac arweiniad ar yr API gellir dod o hyd iddo ar ein porth datblygwyr

Sut mae’r wybodaeth am ddarpariaeth yn cael ei chreu a sut ydych chi’n gwneud yn siŵr ei bod yn gywir?

Casglu Data:

Mae’r map darpariaeth symudol yn seiliedig ar ragfynegiadau o’r ddarpariaeth gan y cwmnïau rhwydwaith symudol. Mae’r wybodaeth hon yn cael ei chreu drwy ddefnyddio rhaglenni cyfrifiadurol sy’n ysgogi’r ffordd mae signalau symudol yn teithio o’r mastiau symudol a sut maen nhw’n cael eu rhwystro gan unrhyw bethau fel bryniau, coed ac adeiladau.

Mae’r rhagfynegiadau hyn ar gyfer y ddarpariaeth yn cael eu prosesu mewn matrics grid 50 metr x 50 metr sy’n cwmpasu holl fas tir y DU. Mae’r data hwn wedyn yn cael ei lwytho i fyny i Fap Darpariaeth Ofcom.

Dadansoddi a Dilysu Data:

I ddilysu’r data, mae Ofcom yn cynnal nifer o brofion yn y byd go iawn gan ddefnyddio caledwedd mesur pwrpasol ar draws set sampl o wahanol leoliadau yn y DU. Mae’r profion hyn wedi dangos bod y rhagfynegiadau o fodelau cyfrifiadurol yn ddibynadwy ar y cyfan, ond ni allant warantu bod darpariaeth mewn ardal benodol oherwydd ffactorau lleol iawn.

Pa mor aml mae’r wybodaeth am ddarpariaeth yn cael ei diweddaru?

Rydym yn diweddaru’r gwiriwr o bryd i’w gilydd gyda’r rhagfynegiadau diweddaraf sydd ar gael am ddarpariaeth gan y cwmnïau rhwydweithiau symudol. Ein nod yw diweddaru’r gwiriwr gyda gwybodaeth am ddarpariaeth bob tri mis, neu yn unol â chyhoeddiadau Cysylltu’r Gwledydd.

Mae’r map yn dangos y dylwn i gael darpariaeth dda ond dydw i ddim yn cael gwasanaeth dibynadwy. Pam?

Mae’r rhagfynegiadau ar y gwiriwr yn seiliedig ar gryfder cyfartalog y signal ar draws ardal, wedi’i gyfrifo yn seiliedig ar sut mae signal yn cael ei drosglwyddo o antena. Mewn rhai achosion, bydd rhywfaint o amrywiaeth rhwng yr wybodaeth a gyflwynir a phrofiad go iawn gan fod ein data’n deillio o ragfynegiadau gweithredwyr rhwydweithiau symudol.

Er enghraifft, ar gyfartaledd efallai fod darpariaeth dda mewn rhan o'r grid llawn, ond gallai’r ddarpariaeth mewn gwahanol rannau amrywio’n sylweddol yn dibynnu ar ffactorau lleol iawn, fel coed, adeiladau a dail tymhorol na ellir eu cynnwys yn y cyfrifiadau hyn.

Mae eich map yn wahanol i fap y cwmni ffôn. Pam?

Mae map darpariaeth Ofcom yn defnyddio rhagfynegiadau darpariaeth cwmnïau rhwydweithiau symudol sy’n dangos lefelau signal ym mhob lleoliad yn y DU. Oherwydd bod map Ofcom yn dod â’u holl ragfynegiadau at ei gilydd mewn un lle ac yn ei ddal i un safon annibynnol, mae ein map ni’n dangos lefelau darpariaeth gwahanol sydd ar gael i’r rheini a welir ar wefannau’r cwmnïau. Mae dolenni i fapiau’r cwmnïau ar gael yma:

• O2
• EE
• Three
• Vodafone

Rydw i’n byw mewn ardal heb ddarpariaeth 4G neu 5G, ble alla i gael gwybodaeth am fy signal?

Mae rhwydweithiau 2G a 3G yn cael eu diffodd yn raddol i gefnogi cyflwyno rhwydweithiau 4G a 5G ledled y DU, felly nid ydynt wedi'u cynnwys yn y gwiriwr hwn.

Os oes angen, gellir dod o hyd i wybodaeth am rwydweithiau 2G a 3G yn ein hadroddiadau Cysylltu’r Gwledydd, yn ein cyngor i gwsmeriaid, ac yn uniongyrchol gan y Gweithredwyr Rhwydwaith Symudol.  

Beth alla i ei wneud i wella fy nghysylltiad dan do?

Os ydych yn cael problemau gyda darpariaeth dan do, gallwch feddwl am rai o’r atebion mae’r cwmnïau symudol yn gallu eu cynnig. Er enghraifft, mae holl weithredwyr y prif rwydwaith nawr yn caniatáu gwneud a derbyn galwadau a negeseuon testun dros Wi-Fi. Dylech gysylltu â’ch darparwr i gael rhagor o wybodaeth.

Gellir defnyddio troswyr hefyd i wella eich darpariaeth dan do. Mae’r dyfeisiau hyn yn defnyddio signal yn yr awyr agored i wella darpariaeth dan do. Gwneir hyn drwy leoli’r ddyfais mewn ardal sydd â signal da yn yr awyr agored er mwyn gallu aildrosglwyddo’r signal hwnnw dan do. Mae rhagor o ganllawiau ar droswyr ar gael yma:

Defnyddio troswr i wella signal eich ffôn symudol dan do - Ofcom

Pam mae'r gwiriwr yn dweud “Amh” neu “-1” ar yr adran ardal bost?

Dim ond pan fydd gennym ddata rhagfynegi gan y cwmnïau rhwydwaith symudol y byddwn yn dangos sgoriau cwmpas dros yr ardal a chwiliwyd. Dangosir Amh neu -1 ar y gwiriwr pan nad yw'r data hwn ar gael.  

Pam ydw i'n gweld sgorau annisgwyl neu wrthdaro rhwng darpariaeth a pherfformiad ar draws fy ardal?

Gallai nifer o resymau achosi sgoriau annisgwyl neu wrthgyferbyniol, heb fod yn gyfyngedig i:

• Mae darpariaeth a pherfformiad yn defnyddio gwahanol fethodoleg adrodd wedi'u teilwra i bob allbwn a allai achosi gwahaniaethau adrodd wrth eu hadolygu gyda'i gilydd.
• Mae darpariaeth yn seiliedig ar ragfynegiadau gweithredwyr rhwydwaith symudol tra bod perfformiad yn seiliedig ar fesuriadau torfol. Mae gan y ddau oblygiad a allai achosi gwahaniaethau adrodd.
• Ansawdd rhwydwaith eich gweithredwyr rhwydwaith symudol, megis defnyddio sbectrwm (amledd) a chynhwysedd cyffredinol y safle yn cyflwyno newidynnau ychwanegol.
• Tagfeydd rhwydwaith gan gynnwys mwy o alw gan ddefnyddwyr yn ystod oriau brig (megis o fewn oriau cymudo) yn effeithio ar adegau gwahanol.

Gellir dod o hyd i ragor o wybodaeth am sut mae adrodd ar ddarpariaeth a pherfformiad yn gweithio ar ein tudalennau Cwestiynau Cyffredin.  

Sut mae Ofcom yn mesur perfformiad rhwydweithiau symudol?

Rydym yn defnyddio mesuriadau a gasglwyd gan ddefnyddwyr symudol go iawn mewn modd torfol i fesur perfformiad y rhwydwaith symudol a phrofiad defnyddwyr o ddefnyddio gwahanol wasanaethau symudol. Mae mesuriadau’n cael eu trin gan ddarparwr trydydd parti ac yn cael eu trwyddedu i Ofcom.

Mae mesuriadau o ffonau clyfar yn cael eu casglu bob dydd, o dan amodau defnydd arferol. Mae’r rhain yn cynnwys mesuriadau mewn lleoliadau dan do ac yn yr awyr agored er mwyn adlewyrchu arferion defnyddwyr nodweddiadol orau.

Mae’r mesuriadau wedi’u grwpio yn ôl ardaloedd codau post ac maent yn cael eu dangos fel sgôr ganrannol o samplau yn yr ardal a basiodd ein meini prawf derbyn profiad y defnyddiwr.

Er y gall mesuriadau torfol gynnig cynrychiolaeth dda o brofiad defnyddwyr y byd go iawn, dylid ystyried sgorau perfformiad fel canllaw gan y gall fod amrywiadau lleol.  

Pa mor aml mae’r wybodaeth am berfformiad yn cael ei diweddaru?

Mae canrannau perfformiad yn cael eu cyfrifo gan ddefnyddio data dros y 12 mis diwethaf o'n dyddiad uwchlwytho diwethaf. Ein nod yw uwchlwytho data perfformiad newydd bob chwarter.

Pam ydw i’n gweld sgôr perfformiad pan nad oes gen i ddarpariaeth?

Gan fod sgoriau perfformiad yn cael eu mesur ar draws ardal cod post, efallai y bydd adegau pan nad oes darpariaeth mewn lleoliad penodol, ond bod perfformiad yr ardal ar gyfartaledd yn rhesymol. Pan fydd hyn yn digwydd, dylech ddilyn y sgôr darpariaeth i osod eich disgwyliadau o ran profiad rhwydwaith.

Pam mae’r gwiriwr yn dweud “Amherthnasol” yn yr adran perfformiad?

Dim ond pan fydd gan y pedwar gweithredwr rhwydweithiau symudol ddigon o fesuriadau perfformiad yn yr ardal i basio ein trothwy hyder ystadegol (digon o fesuriadau i ddileu mesuriadau twyllodrus ac ati) y byddwn yn dangos sgoriau perfformiad ar gyfer pob ardal cod post). Mae Amh yn cael ei ddangos ar y gwiriwr pan nad yw’r trothwy hwn wedi’i gyrraedd.

Pa ffactorau sy’n gallu effeithio ar berfformiad?

Gall nifer o ffactorau effeithio ar y perfformiad rhwydwaith rydych chi’n ei brofi. Dyma rai ffactorau cyffredin:

• Safle Symudol: Pŵer eich mast lleol, a pha mor agos ydych chi ato.
• Dyfais Symudol: Argaeledd tonnau awyr lleol, ansawdd yr antena yn eich ffôn ac a oes gennych chi gynllun a dyfais sy’n gallu delio â 5G.
• Annibendod Lleol: Mynyddoedd, adeiladau a choed rhyngoch chi a’r mast symudol.
• Llwyth y Rhwydwaith: Capasiti’r mast lleol a thagfeydd yn y rhwydwaith, yn enwedig ar adegau prysur.
• Yr Amgylchedd: Pa ddeunyddiau a gafodd eu defnyddio i wneud yr adeilad neu’r cerbyd rydych chi ynddo.
• Tywydd/Tymor: Tywydd gwael.

Pam mae perfformiad ond ar gael ar lefel ardal bost pam fo darpariaeth ar gael yn fy nghyfeiriad? 

Mae sgoriau perfformiad a argaeledd yn cael eu harddangos gan ddefnyddio gwahanol ddulliau daearyddol gan eu bod yn defnyddio methodoleg wahanol i gyd-fynd â'u nodweddion adrodd unigryw.

Mae sgoriau darpariaeth yn cael eu cyfrifo gan ddefnyddio rhagfynegiadau cwmnïau rhwydwaith symudol sy'n cael eu cynhyrchu i benderfyniad digon uchel i ganiatáu inni amcangyfrif darpariaeth ar lefel cyfeiriad.

O ran perfformiad, dim ond pan fydd gennym ddigon o fesuriadau i basio ein trothwy hyder ystadegol (digon o fesuriadau i ddileu mesuriadau twyllodrus ac ati) y byddwn yn dangos sgoriau ar draws parth. Mae ein data torfol yn tueddu i gyrraedd y trothwy hwn ar draws parthau maint ardal bost, gan wneud hwn y maint parth lleiaf y gallwn adrodd arno.  

Oes modd defnyddio ardaloedd mwy na rhanbarthau post?

Os nad oes gennym ddigon o fesuriadau perfformiad o fewn ardal i basio ein trothwy hyder ystadegol, byddwn yn defnyddio mesuriadau o ardal bost cyfagos i’r ardal. Os bydd hyn yn digwydd, bydd yr holl reolau, dulliau, amodau ac ymwadiadau sy'n gysylltiedig ag adrodd ar ardaloedd yn berthnasol i'r ardal bost.  

Sut y dylwn i gwyno am fy narpariaeth?

Dylech chi gysylltu â’ch cwmni symudol os ydych chi’n cael problemau darpariaeth oherwydd efallai y bydd ganddo atebion i’ch problem. Byddwch yn gallu dod o hyd i fanylion cyswllt a’u trefn gwyno ar eu gwefan.

Os bydd eich problem yn dal heb ei datrys ar ôl wyth wythnos, gallwch gwyno wrth gynllun Dull Amgen o Ddatrys Anghydfod (ADR) annibynnol. Efallai y byddwch yn gallu cael gafael ar Ddull Amgen o Ddatrys Anghydfod yn gynharach nag wyth wythnos os bydd eich darparwr yn cyhoeddi llythyr ‘sefyllfa ddiddatrys’. Bydd eich darparwr yn dweud wrthych chi pa gynllun mae’n aelod ohono, neu gallwch ddefnyddio ein gwiriwr Dull Amgen o Ddatrys Anghydfod.

Nid yw Ofcom yn gallu bod yn rhan o anghydfodau unigol, ond rydym yn cofnodi ac yn monitro’r cwynion a gawn drwy ein ffurflen fonitro Cwyno am wasanaethau symudol, ffôn neu’r rhyngrwyd - Ofcom i helpu i lywio ein gwaith.